IPL 2025 mein Rajasthan Royals ka safar filhal kisi nightmare se kam nahi lag raha. Lagataar paanchvi haar ke baad ab Sunil Gavaskar ne bhi apna patience kho diya hai. RCB ke khilaaf 11-run ki haar ne sirf unki points table ki position nahi girayi, balki unki strategy par bhi bade sawaal khade kar diye hain.
Star Sports par baat karte hue Gavaskar ne RR ki game planning, execution aur tactical decisions ko lekar open tareeke se tanqeed ki. Sabse bada shock unhe yeh laga ki coach Rahul Dravid jaise master tactician ke hone ke bawajood, team itna ‘unthinking cricket’ kaise khel sakti hai.
“With Rajasthan Royals, I’m actually talking about the earlier matches where I wasn’t at the ground. I just saw them. So, you’re not always able to get the feeling of what’s really happening. But here, I was at the ground, and you could actually see the kind of cricket that was being played. And with someone like Rahul Dravid as the coach, it was quite baffling—it was unthinking cricket,”
“Dravid was always so precise in his thinking, and I would’ve thought that kind of approach would’ve seeped into some of the Rajasthan batters,”
Gavaskar ne yahin par rukav nahi ki. Unhone team ki decision-making aur pressure situations mein performance ko bhi question kiya.
“Where is the thought process there? You can’t expect inexperienced players to always get it right, but still… it’s just a different kind of cricket,”
RR ki har baar achhi shuruaat ke baad run-chase mein choke karna ek common pattern ban chuki hai. Chahe wo Super Over loss ho Delhi Capitals ke against ya 2-run ki heartbreak defeat Lucknow Super Giants se, team baar-baar crucial moments mein match haarti nazar aayi hai.
Points table ki baat karein to Rajasthan Royals 8th position par hai, sirf 2 jeet ke saath 9 matches mein. Unke playoff chances ab kaafi slim lag rahe hain. Captain Riyan Parag bhi indirectly is baat ka signal de chuke hain ki shayad season ab unke haathon se nikal chuka hai.
Agla match unka 28 April ko Gujarat Titans ke against hoga, Sawai Mansingh Stadium, Jaipur mein. Yeh match unke liye ‘do-or-die’ ban chuka hai.
