Gujarat Titans ke superstar captain Shubman Gill ne IPL 2025 ke dauraan apne relationship status ko lekar chhupi sab afwaahon par full stop laga diya hai. Young sensation Gill ne clearly bataya ki woh teen saal se single hain aur unka pura focus sirf aur sirf apne cricket career par hai.
Shubman Gill Ne Dating Rumours Par Kholi Baat
Kuch saalon se Gill ka naam Sara Tendulkar aur Sara Ali Khan ke saath joda ja raha tha. Yeh topic tab aur garam ho gaya jab commentator Danny Morrison ne match ke toss ke dauraan unse shaadi ke plans ke baare mein mazaak kiya tha.
Hollywood Reporter India ke ek interview mein, Gill ne saaf kaha:
“Main teen saal se single hoon, aur itni saari afwaayein aur rumours mujhe alag-alag logo se jod dete hain. Kabhi-kabhi toh aise logon ke saath bhi joda jata hai jinko maine kabhi dekha bhi nahi hota.”
Career Pe Full Focus, Love Life Ka No Scene
India ke vice-captain Gill ne bataya ki cricket ka intense schedule unhe kisi relationship ke liye waqt hi nahi deta. Gill ne apne lifestyle ka zikr karte hue kaha:
“Main apne career pe itna focused hoon ki kisi ke saath time spend karne ka scope hi nahi banta. Saal ke 300 din hum safar mein rehte hain, training aur matches ke beech, toh relationship maintain karna mushkil hai.”
Crowd Chants? Gill Hai Total Zone Mein!
Gill ne crowd ke chants aur distractions ke baare mein bhi apna experience share kiya. Unhone kaha ki jab woh ground par hote hain, toh unka pura dhyan bas bowler aur match situation par hota hai.
“Main pehle bhi keh chuka hoon, jab aap ‘zone’ mein hote hain toh aapko kuch sunai nahi deta. Aapka pura dhyan bas bowler aur match ke target par hota hai.”
GT Ki Shandar Performance, Agla Muqabla RR Se
Currently, Gill ki leadership mein Gujarat Titans IPL 2025 ke points table mein top par hain, 12 points ke saath. Unka agla match April 28 ko Rajasthan Royals ke khilaf Sawai Mansingh Stadium, Jaipur mein hone wala hai. Fans excited hain dekhne ke liye kya Gill aur unki team apni winning streak continue kar paayenge!
Shubman Gill ka clear stand dating rumours par ab sab kuch keh chuka hai – career first, love baad mein!
