Wankhede Stadium, April 27: IPL 2025 mein ek aur dhamakedaar takkar dekhne ko mili jab Mumbai Indians (MI) ne Lucknow Super Giants (LSG) ko 54 runs se hara diya. Rishabh Pant ke liye yeh match ek badi eye-opener sabit hua.
MI ki jeet ka raaz? Toh shuruaat hui Ryan Rickelton ke tezi se banaye gaye 58 (32) runs se, jiske baad Suryakumar Yadav ne bhi 58 (28) runs ki dhamakedaar inning kheli. Naman Dhir aur Corbin Bosch ne bhi important cameos diye, jisse Mumbai ka total chadh gaya 215/7 tak.
LSG ka chase shuru hua ek jhatke ke saath — Aiden Markram powerplay mein hi out ho gaye. Bhalayi Nicholas Pooran (27), Mitchell Marsh (34), aur Ayush Badoni (35) ne thodi resistance dikhayi, lekin koi bhi badi inning nahi khel paya. Mumbai ke bowlers, khas kar Jasprit Bumrah (4 wickets), Trent Boult (3 wickets), aur Will Jacks (2 wickets) ne match par kabza banaye rakha.
Is jeet ke saath MI ne IPL 2025 mein apni 5th consecutive win register ki, aur history ke mutabiq jab-jab unhone aise winning streaks banaye hain, tournament jeetne ke chances badh jaate hain. Kya is baar bhi waise hi kuch hone wala hai?
“[Bowling first] Humne socha tha ki ye sahi decision hoga. Apne batting pe bharosa tha, lekin aaj ka din humara nahi tha. Doosri team bhi acha khel rahi hai, unko credit dena chahiye instead of self-doubt. Ab hume thoda waqt mila hai, toh figure out karenge.”
“[Batting at No. 4] Ab ispe zyada soch nahi raha. Aise season mein agar aap har waqt khud pe sawal uthate ho, toh woh sahi approach nahi hai.”
“[On Mayank] Accha laga usse wapas aate hue dekhkar. Rhythm pakad raha hai, umeed hai aur behtar hoga.” – Rishabh Pant, Post-Match Presentation
Agla mukabla mein LSG ka samna Punjab Kings se hoga on April 4, jabki MI Rajasthan Royals se takrayegi on May 1. Kya Pant apni team ko bounce back kara paayenge? Yeh dekhna interesting hoga!
