IPL 2025 Ka Sabse Bada Surprise: Vaibhav Suryavanshi
Rajasthan Royals (RR) ke naye batting sensation Vaibhav Suryavanshi ne Gujarat Titans (GT) ke khilaf Sawai Mansingh Stadium, Jaipur mein aisi inning kheli jo har cricket fan hamesha yaad rakhega. Sirf 14 saal aur 32 din ki umr mein unhone T20 cricket ka sabse youngest centurion ban kar history rachi!
35 Ball Mein Century, 11 Chhakkon Ki Baarish!
Vaibhav ne apna 100 run ka landmark sirf 35 balls mein pura kiya – IPL history ka second fastest century. Unhone 11 sixes aur 7 boundaries laga kar GT ke bowlers ki literally band baja di. Aakhir mein woh 37 balls mein 101 run bana kar out hue, lekin tab tak match RR ke haath mein ja chuka tha.
Fastest IPL Centuries (By Balls)
- 30 balls – Chris Gayle (RCB vs PWI, 2013)
- 35 balls – Vaibhav Suryavanshi (RR vs GT, 2025)
- 37 balls – Yusuf Pathan (RR vs MI, 2010)
- 38 balls – David Miller (PBKS vs RCB, 2013)
Youngest Century in T20 Cricket
- 14y 32d – Vaibhav Suryavanshi (RR vs GT, 2025)
- 18y 118d – Vijay Zol (Maharashtra vs Mumbai, 2013)
- 18y 179d – Pervez Hossain Emon (Barishal vs Rajshahi, 2020)
- 18y 280d – Gustav McKeon (France vs Switzerland, 2022)
GT Ka Mazboot Score Bhi Pada Halka
Match ke pehle half mein GT captain Shubman Gill ne 50 balls mein 84 run ki solid inning kheli. Sai Sudharsan ke saath milke opening partnership mein 93 run jod diye. GT ne total 209/4 ka strong target diya, jisme Washington Sundar aur Rahul Tewatia ne bhi apna yogdan diya.
Lekin Vaibhav Suryavanshi ki dhamakedar inning ne pura match ka momentum palat diya. Rajasthan Royals ne iss target ko chase karte waqt ek naye superstar ko janam diya hai, jiska naam aap aage bahut baar sunenge!
Conclusion
14 saal ka yeh ladka sirf ek match mein IPL aur T20 cricket ke kai bade record tod gaya. Vaibhav Suryavanshi ne sirf Rajasthan Royals ke liye nahi, poore desh ke liye ek nayi umeed jagayi hai. Kya yeh agla Virat Kohli banega? Yeh to waqt hi batayega, lekin aaj to yeh chhota star sabke dil jeet chuka hai!
