Jaipur, April 28: Rajasthan Royals ka naye superstar mil gaya hai – aur woh bhi sirf 14 saal ka! Vaibhav Suryavanshi ne Gujarat Titans ke khilaaf IPL mein aisi batting ki, jo fans hamesha yaad rakhenge. Sirf 35 balls mein century maar kar, Vaibhav ban gaye IPL history ke sabse youngest centurion – sirf 14 saal aur 32 din ke umar mein!
Unka yeh explosive knock Rajasthan Royals ke liye game-changer sabit hua, jinhone Gujarat Titans ko 8 wickets se haraya. Vaibhav ne Manish Pandey, Rishabh Pant aur Devdutt Padikkal jaise bade naamon ke record tod diye. Sirf Chris Gayle ki 30-ball century unse tez rahi – matlab yeh IPL ki second-fastest century thi, aur ek Indian player ke liye sabse tez!
210 run ka target chase karte hue, Vaibhav ne full attacking mode mein start liya. 4th over mein Ishant Sharma ke against 28 runs uda diye – 3 sixes, 2 fours aur kuch extras. Fir Washington Sundar aur debutant Karim Janat ko bhi nahi baksha – 10th over mein 30 runs, total 11 sixes innnings mein!
Vaibhav finally 101 par clean bowled hue Prasidh Krishna ke haathon, lekin tab tak unhone poora match hi palat diya tha. Match ke baad unka reaction tha priceless:
“It is a very good feeling. It’s my first hundred in the IPL and it’s my third innings. What I’ve been practicing for the last three-four months, the result is showing. I just see the ball and play. Batting with Jaiswal is good, he tells me what to do and he infuses positive things. It is like a dream, to score a century in the IPL,”
Sabko tab hairani hui jab unse pucha gaya ki kisi bowler se darr lagta hai kya – aur jawab tha full fearless:
“There is no fear. I don’t think much, I just focus on playing,”
RR ke playoffs ke chances abhi bhi patle hai – 10 matches mein sirf 3 jeet – lekin Vaibhav ke is dhamake se team ko ek nayi hope mili hai. Agla match hoga May 1 ko, Sawai Mansingh Stadium mein, Mumbai Indians ke against.
Ab sawaal ye hai – kya yeh 14 saal ka ladka IPL ka next superstar banega? Ek baat toh pakki hai – ab pura India is naam ko yaad rakhega: Vaibhav Suryavanshi.
