Jaipur, April 28, 2025: IPL 2025 ka sabse emotional aur energetic moment tab aaya jab Rajasthan Royals ke 14 saal ke chhote packet, Vaibhav Suryavanshi, ne Gujarat Titans ke khilaaf ek aisi century maari jo hamesha yaad rahegi.
Match se pehle subah, Vaibhav ne apne coach Manish Ojha ko phone kiya aur confidently bola – “Sir, aaj maarunga.” Yeh line sirf dialogue nahi thi, ek prediction thi jo shaam tak poori duniya ne dekh li.
“Maarna, par wicket mat de dena. Itminaan se khelna, Yashasvi se baat karte rehna,” – Coach Manish Ojha ka calm aur composed advice.
Usi confidence ke saath Vaibhav ne 35 balls mein century thok di – IPL history ki second-fastest century! Sirf fast nahi, record-breaking bhi thi yeh innings – Vaibhav ban gaye duniya ke sabse young male cricketer jinhone T20 century banayi ho – bas 14 saal ki umar mein!
Unki innings thi 101 runs off 38 balls, jisme unhone 17 balls mein fifty banayi aur agle 18 balls mein century poori ki. Rajasthan Royals ne unki madad se 210 ka target sirf 15.5 overs mein chase kar liya – aur 5-match losing streak ko tod diya.
Suryavanshi ka partnership tha 166 runs with Yashasvi Jaiswal – RR ki history ka sabse bada opening stand. Jab woh 12th over mein out hue, poori Gujarat Titans team unke paas aayi unhe wish karne. Aur sabse emotional moment tab aaya jab RR head coach Rahul Dravid, jo wheelchair mein the, khade ho kar is young star ko standing ovation diya.
“A moment he will never forget! 🩷 Vaibhav Suryavanshi earns applause from all corners after his historic knock 🫡👏”
Updates ▶ IPL Twitter
Vaibhav Suryavanshi ne sirf runs nahi banaye – unhone har young cricketer ko yeh message diya: “Sapne chhote nahi hote, bas hausla bada hona chahiye.”
