IPL 2025 ka mahaul toh garam hai hi, lekin iss baar cricket se zyada baat ho rahi hai ek viral ‘slapgate’ video ki! Delhi Capitals ke Kuldeep Yadav aur Kolkata Knight Riders ke Rinku Singh ka ek video jisme Kuldeep Rinku ko mazaak mein thappad maarte dikhe, social media par tezi se viral ho gaya.
Video ke viral hote hi logon ne controversy ka raita faila diya – “players ke beech tension hai kya?” Lekin KKR ne turant ek post-match video release karke sab kuch crystal clear kar diya. Video tha full of nostalgia aur bromance, jisme dikhaya gaya Kuldeep aur Rinku ka deep dosti ka rishta – from hospital visits to locker room laughter.
Media (sansani) vs (doston ke beech ka) Reality! Gehri dosti feat. our talented UP boys 😂
— @KKRiders, April 30, 2025
KKR ne caption mein hi media par chhota sa taunt bhi maara, calling out the “masala” banane waale headlines. Video clearly dikhata hai ki yeh dono players sirf mazaak kar rahe the, aur unke beech koi tension nahi hai.
Haan, ek aur video bhi viral hua tha jisme journalist Sanket Upadhyay ne tweet kiya:
Even if this is some sort of a joke, it is not funny. Shows lack of respect a player has for another player. Kuldeep Yadav Slaps Rinku Singh Twice.
— @sanket, April 30, 2025
Par sach toh yeh hai ki Kuldeep aur Rinku ke beech dosti kaafi purani hai. Kuldeep ne 2016 se 2020 tak KKR ke liye khela, aur Rinku ne 2018 mein KKR ke saath IPL debut kiya. Dono ne Indian team aur KKR dressing room mein saath kaafi waqt guzara hai.
Toh fans ke liye message clear hai – slap nahi, sirf swag aur dosti hai yeh!
