IPL 2025 ka excitement ab sirf runs aur wickets tak seemit nahi raha – field ke baahar bhi full drama chal raha hai! Delhi Capitals aur Kolkata Knight Riders ke beech hua match toh KKR ne 14-run se jeet liya, lekin match ke baad jo hua, usne fans ko aur bhi zyada entertain kiya.
Match ke baad, jab players casually baat kar rahe the, tab Kuldeep Yadav ne apne Uttar Pradesh ke dost Rinku Singh ko maare do pyaar bhare thappad. Pehla thappad mazaak mein laga, lekin jab dusra maara gaya, toh Rinku ka reaction serious ho gaya. Dono ke beech halka sa heated exchange bhi dekha gaya – lekin overall yeh sab ek friendly banter hi lag raha tha.
Kuldeep slapping Rinku😭😭 @imkuldeep18 @rinkusingh235 #IPL #KuldeepYadav #RinkuSingh #DCvKKR
pic.twitter.com/vL0WJ0Ld8h
Is incident ne fans ko yaad dila diya 2008 ka wo moment jab Harbhajan Singh ne Sreesanth ko thappad maar diya tha. Lekin yeh baar waise serious nahi tha.
Performance ki baat karein toh Kuldeep Yadav ne is match mein bowling mein kuch khaas nahi kiya. Unhone 3 overs mein 27 runs diye aur koi wicket nahi mila. Haan, batting mein unhone 25 balls mein 36 runs banakar kuch damage control zarur kiya – lekin DC ko jeet nahi dila paaye.
Rinku Singh ne bhi Kuldeep ki bowling ka maza le liya – unhone unke 15th over mein do chaukke aur ek chhakka jada, jisme Kuldeep ne 17 runs de diye. Captain Axar Patel ne unhe slog overs mein phir bowling nahi di.
Toh bhai, pitch pe runs aur wickets ka game chala, aur pitch ke baad thappad ka! IPL 2025 sach mein har angle se blockbuster ban gaya hai!
