Jaipur: IPL 2025 mein Rajasthan Royals ka playoff ka sapna officially tut gaya jab unhe Mumbai Indians ne 100 runs se karari haar di. Sawai Mansingh Stadium mein khele gaye iss important clash mein RR ki team har department mein peeche chhoot gayi.
Captain Riyan Parag ne match ke baad middle-order ke kharab performance ko lekar apni niraasha jatai. Unhone kaha ki shuruaat toh team ko barabar mil rahi thi, lekin beech ke order mein koi bhi responsibility nahi le raha tha.
“You’ve got to give credit to MI for the way they batted. They kept wickets. Yeah, 190-200 would have been ideal. We’ve been getting good starts. But it’s up to the middle order – myself, Dhruv – to step up. We’ve done a lot of things right and wrong. A lot of mistakes and small errors. We want to focus on them, and focus on the good [stuff] as well,”
– Riyan Parag, post-match presentation
Match Summary: Mumbai Indians ne pehle batting karte hue 217/2 ka bada score banaya. Rohit Sharma (53 off 36) aur Ryan Rickelton (61 off 38) ne solid foundation diya, jise Suryakumar Yadav aur Hardik Pandya ne explosive finish mein badal diya.
Jab Rajasthan ki team chase karne utri, toh sab kuch hi bikharta gaya. Vaibhav Suryavanshi jo pichle match ke hero the, is baar sirf 2 ball mein zero pe out ho gaye. RR ki poori team sirf 117 runs par all out ho gayi in just 16.1 overs.
MI ke bowlers bhi full form mein the. Jasprit Bumrah ne 2 wickets liye sirf 15 runs mein, Trent Boult ne 3/28 aur leg-spinner Karn Sharma ne 3/23 ke figures ke saath RR ka batting order cheer diya.
Iss jeet ke baad MI ki playoffs mein entry aur bhi strong ho gayi hai, jabki RR ka campaign officially khatam ho chuka hai. Chennai Super Kings ke baad RR doosri team hai jo IPL 2025 ke playoffs se bahar ho gayi hai.
