Narendra Modi Stadium, Ahmedabad: IPL 2025 ke match number 51 mein Sunrisers Hyderabad (SRH) ko ek aur karari haar mili, is baar Gujarat Titans (GT) ke haathon 38 runs se. Aur is baar koi bahana nahi – captain Pat Cummins ne khud maan liya ki bowling unit ne hi game haara diya!
GT ke openers Shubman Gill aur Sai Sudharsan ne jaise SRH ke bowlers par attack launch kar diya ho. Sai Sudharsan ne to Mohammed Shami ke ek over mein chaar chauke jod diye. Cummins aur Harshal Patel bhi bache nahi – dono ko powerplay ke beech ke overs mein 17 runs pade. Result? GT ne powerplay mein 82 runs thok diye – franchise ke itihaas ka sabse bada powerplay score!
“Couple of things. Our powerplay with the bat wasn’t too great. I was as guilty as anyone else. Probably let them get 20-30 extra runs. Maybe hang on to one or two catches. Again am guilty there. Chasing 200 looked a bit more realistic. They are class batters. They don’t do anything outlandish. If you bowl bad balls, they just put it away. We probably dished out too many bad balls. It is a really good wicket,” Pat Cummins ne post-match presentation mein kaha.
Jab SRH ne chase start kiya, unka destructive opener Travis Head sirf 5th over tak hi tik paya. Baki batting line-up bhi kuch khaas nahi kar payi. Sirf Abhishek Sharma</strong ne 74 runs (41 balls) ki dhamakedar inning kheli aur Nitish Kumar Reddy</strong ne bhi ek chhota sa cameo diya.
Cummins ne match ke baad batting ke efforts ki tarif ki, par bowling par unka gussa clearly dikh gaya. “Agar aap bekaar balls daaloge, to ye level ke batters usko boundary ke bahar bhejenge hi,” unhone kaha.
SRH ke liye ab playoff ki race aur mushkil hoti ja rahi hai. Kya Cummins apni team ko wapas jeet ki raah par laa payenge? Yeh to aane wale matches hi batayenge.
