Cricket ke maidan par kabhi hero toh kabhi zero banna padta hai – aur yahi seekh mili IPL 2025 ke sabse chhote sensation, Vaibhav Suryavanshi ko. Sirf 14 saal ke umar mein is chhote dynamite ne GT ke khilaaf 35-ball century maar kar headlines mein jagah banayi thi. Lekin RR vs MI clash mein, cricket ne apna doosra chehra dikhaya jab woh sirf 2 balls mein out ho gaya – bina koi run banaye.
Jab Vaibhav Deepak Chahar ki ball par out hua, to MI ke former captain Rohit Sharma ne ek dil jeetne wali baat ki – unhone pitch par jaake uske peeth thapthapai, ek shabd bhi kaha – “It’s okay, bounce back karna.” Yeh sirf ek gesture nahi, ek leader ka asli chehra tha.
“Vaibhav Suryavanshi faced his first IPL failure. Leader Rohit Sharma walked up, tapped his back – always there for the youngsters.
#RRvsMI”
— 🐐 (@itshitmanera), May 1, 2025
“In good times, everyone claps. In bad times, the real leaders show up. Rohit Sharma encouraged Vaibhav when he needed it the most. That’s what makes him special.❤️”
— 𝐇𝐲𝐝𝐫𝐨𝐠𝐞𝐧 (@ImHydro45), May 1, 2025
MI ne sirf dil nahi jeeta, balki match bhi dhamakedar tareeke se jeeta. Unhone 217/2 ka score banaya thanks to Ryan Rickelton (61), Rohit Sharma (53), aur Suryakumar & Hardik Pandya ke unbeaten 48-48 runs. Jab bowling ki baari aayi, toh Trent Boult aur Karn Sharma ne 3-3 wickets le kar RR ki batting ki kamar tod di. Jasprit Bumrah ne bhi 2 wickets apne naam kiye. RR sirf 117 runs par all out ho gaya, aur MI ne 100-run ki zabardast jeet ke saath points table ke top par jump maar liya!
MI ki yeh season ki 7th jeet thi – unhone ab playoff qualification ke aur kareeb kadam rakh diya hai. Wahin doosri taraf RR ke liye season khatam ho chuka hai – 11 matches mein 8 haar ke baad woh playoff se officially bahar ho gaya.
MI ab 6 May ko Gujarat Titans ke khilaaf Wankhede mein khelega, jabki RR 4 May ko Eden Gardens mein KKR ke saath bhidega.
Ek chhoti si seekh: Cricket sirf game nahi, emotions ka maidan bhi hai – aur Rohit Sharma ne phir se dikhaya kyun unhe ‘Hitman’ ke alawa ‘Heartman’ bhi kaha jaata hai ❤️
