IPL 2025 ke ek high-voltage clash mein jab Chennai Super Kings (CSK) ne Royal Challengers Bengaluru (RCB) ka samna kiya, tab spotlight chura le gaye ek naye star — Ayush Mhatre. Sirf 17 saal ke is batter ne 48 balls mein 94 runs jodkar sabka dil jeet liya, lekin match ke anjaam ne CSK fans ko thoda udaas chhod diya.
Former India opener Virender Sehwag ne Cricbuzz par baat karte hue Mhatre ki shot selection ka analysis kiya. Unhone bataya ki jis delivery par Mhatre out hue, uska trajectory clearly six jaise tha. Lekin Sehwag kehte hain ki ye shot century complete karne ke liye nahi, balki team ke liye scoring pressure banaye rakhne ke liye tha.
“He played according to the ball that was bowled to him. He missed his shot, otherwise, in fact, it was a ball that should have been ideally struck for a six. Had the cutter found the middle of the bat, then it would have been a six for sure,”
“Agar voh apna sau ke baare mei soch rahe hote toh definitely woh shot to nahi khelte. So, that means that it was clear that he wanted to get a boundary early in the over, which is why he attempted the shot.”
Mhatre aur Jadeja ke beech hui 114-run ki solid partnership ne CSK ko wapas match mein laaye rakha. Jadeja ne bhi 45 balls mein 77 runs ki unbeaten innings kheli, lekin Romario Shepherd ke explosive 14-ball fifty aur RCB ke death-over bowling ne match ka flow change kar diya.
Aakhri over tak CSK ko sirf 12 runs chahiye the, lekin pressure mein CSK ne match sirf 2 runs se gawa diya. CSK ne total 211/5 banaye, lekin RCB bowlers ne end mein apna dum dikhaya.
CSK ka agla match ab May 7 ko Eden Gardens mein Kolkata Knight Riders ke khilaaf hoga — ek aur blockbuster takkar expected hai!
