IPL 2025 jaise-jaise aage badh raha hai, waise-waise Ravi Bishnoi bhi apni rhythm mein aa gaye hain. Lucknow Super Giants (LSG) ke assistant coach Lance Klusener ne unke game ko leke kaafi confidence dikhaya hai. Rajasthan Royals ke khilaaf aane wale match se pehle, Klusener ne Bishnoi ko lekar bola ki woh har din behtar hote ja rahe hain.
LSG ne Bishnoi ko IPL 2025 ke mega auction se pehle retain kiya tha, aur unse team ke lead spinner hone ki umeed thi. Halaanki, tournament ke shuruati matches mein unka performance thoda slow tha, lekin ab tak woh 7 matches mein 8 wickets le chuke hain aur apne form mein laut aaye hain.
“Mujhe lagta hai Ravi har match ke saath grow kar raha hai, aur apne high standards ko match kar raha hai. Haalanki uska start thoda dheema tha, lekin jaise-jaise tournament badh raha hai, uski bowling bhi aur sharp hoti ja rahi hai. Last game mein bhi usne achha perform kiya. Markram ke 4 overs ke saath Ravi ne bhi kaafi achha spin attack diya. Jab aap 11 overs spin se kar rahe ho, toh sabka quota cover karna asaan nahi hota. Par overall, Ravi better and better ho raha hai. Ab woh apne home state aur hometown Jaipur mein hai, toh hum ek aur zabardast performance ki umeed kar rahe hain,”
– Lance Klusener
LSG ka agla match 19 April ko Rajasthan Royals ke khilaaf Sawai Mansingh Stadium, Jaipur mein hoga. Rishabh Pant-led team abhi IPL 2025 ke points table mein 5th position par hai, jahan unhone 7 matches mein se 4 jeete hain.
