Mumbai: Wankhede Stadium mein IPL 2025 ka ek high-voltage match dekhne ko mila jab Rohit Sharma ne apni khamoshi tod di aur Chennai Super Kings (CSK) ke khilaaf ek dhamakedar 76-run ki unbeaten knock kheli.
Social media par lagatar troll ho rahe Rohit ne critics ko perfect jawaab diya, aur is jeet ke baad unhone apne Instagram par ek emotional post share ki, jisme unhone Abhishek Nayar ko tag karte hue unka shukriya ada kiya. Post mein likha tha:
Rohit Sharma thanked Abhishek Nayar for last night’s knock against Chennai 🤍 – Ro, A lovely gesture.
— Johns. (@CricCrazyJohns) April 21, 2025
Abhishek Nayar, jo pehle Team India ke assistant coach the, unko recently BCCI ne BGT ke flop show ke baad hata diya tha. Lekin uske baad bhi woh Rohit ke saath kaam karte rahe, especially unki form ko wapas lane ke liye.
Cricbuzz ke report ke mutabik, 17 April ko Sunrisers Hyderabad ke khilaaf match se pehle bhi Rohit aur Nayar ko MCA’s BKC facility mein practice karte dekha gaya tha. Us waqt se hi lag raha tha ki Rohit kuch bada karne wale hain.
Mumbai Indians ne CSK ke khilaaf 9-wicket se jeet haasil karke points table mein apni position sudhaari aur ab woh number 6 par hain. Agla match 23 April ko hoga Hyderabad mein, jahan unka samna Sunrisers Hyderabad se hoga.
Fans ab excited hain dekhne ke liye ki kya Rohit ka yeh form ka jadoo upcoming matches mein bhi jaari rahega ya nahi. Lekin ek baat toh pakki hai – jab Rohit chalte hain, toh pura Mumbai hilta hai!
