New Delhi, Arun Jaitley Stadium: IPL 2025 ka ek aur dhamakedar match jahan Delhi Capitals ko Kolkata Knight Riders ke haathon 14 runs se karari haar ka samna karna pada. Lekin match ke baad sabse zyada charcha mein rahe DC ke stand-in captain Axar Patel ke statements, jisme unhone apni bowling unit par ek soft sa thappad maar diya – woh bhi indirect tareeke se!
Axar ka maanna hai ki unki team ne powerplay mein hi 15-20 extra runs de diye, jo aakhir mein kaafi mehngay pad gaye. Haalaanki unhone bowlers ki taareef bhi ki, kehkar ki unhone powerplay ke baad acchi comeback dikhayi.
“Mujhe lagta hai wicket jaise behave kar rahi thi aur humne powerplay mein jaise bowling ki, humne 15-20 run zyada de diye. Kuch wickets bhi soft tareeke se gaye. Positive yeh tha ki powerplay ke baad unhe restrict kiya, batting mein bhi 2-3 players ne fight diya aur match ko close tak le gaye.” – Axar Patel (Post-match conference)
KKR ki Powerplay Tabaahi: Knight Riders ne sirf 6 overs mein 79 runs jod diye, sirf Rahmanullah Gurbaz ka wicket khokar. Lekin uske baad DC bowlers ne bhi bounce back kiya, agle 10 overs mein 5 wickets le kar match mein wapas aane ki koshish ki. Angkrish Raghuvanshi ka wicket Chameera ne liya, jiske baad KKR ne 20 overs mein 204/9 ka score khada kar diya.
Batting mein DC ke kuch players ne ummeed jagayi, lekin team victory tak nahi pahuch payi. Axar ne specifically Vipraj aur Ashutosh par trust dikhaya tha, jo pichle match mein Lucknow ke against match jeetne mein key rahe the.
“Jab Vipraj batting kar raha tha tab hope thi, aur agar Ashutosh hota toh woh pehle match jaise finisher ban sakta tha. Practice wickets par dive maarte waqt meri skin peel ho gayi, lekin achi baat yeh hai ki ab 3-4 din ka break hai, hopefully recover kar lunga.” – Axar Patel
Home Ground Pe Doosri Haar: Yeh DC ki apne home ground par doosri consecutive haar thi. Ab DC 10 matches mein 6 wins ke saath points table mein number 4 par slide ho gaya hai. Unka agla match Sunrisers Hyderabad ke khilaaf hai, jo Rajiv Gandhi International Stadium, Hyderabad mein khela jaayega.
Ab dekhna yeh hoga ki Axar ke yeh comments team ko motivate karte hain ya aur pressure banate hain. Kya DC bounce back karega ya home ka bad luck banega unka downfall? Stay tuned!
