IPL 2025 mein jaise-jaise matches intense ho rahe hain, waise-waise bade players ke future ko lekar discussions bhi garam ho gaye hain. Adam Gilchrist, jo kabhi Punjab Kings (PBKS) ke captain reh chuke hain, ne ek emotional lekin honest message diya MS Dhoni ke liye. Gilchrist ne kaha ki unka Dhoni ke liye pyaar hai, lekin ab unhe IPL se alvida keh dena chahiye.
“The big one, MS Dhoni. He has nothing more to prove to anyone in the game. He has achieved everything that there is. MS… well, he’ll know what he wants to do, but I’m saying, for the future – it’s going to cost me this, I know – but he perhaps doesn’t need to be there next year. I love you, MS. You are a champion, an icon.”
Chennai Super Kings (CSK) ke liye IPL 2025 kuch khaas nahi raha. Ruturaj Gaikwad ke injured hone ke baad Dhoni ne phir se captaincy sambhali, lekin team abhi bhi points table ke neeche struggle kar rahi hai. 9 matches mein sirf 2 hi jeet, wo bhi ek Dhoni ke under aayi thi Lucknow Super Giants ke khilaf.
April 14 ko, Dhoni ne 11 balls mein 26 runs banaye aur match jeetne mein madad ki, lekin iske alawa unka performance consistent nahi raha. Knee issues ki wajah se unki batting bhi effect hui hai. Kai baar wo number 9 pe batting karne aaye, jo fans aur experts dono ke liye surprising tha.
Coach Stephen Fleming ne bhi admit kiya tha ki Dhoni 10 overs continuously bat nahi kar sakte. IPL 2025 mein ab tak Dhoni ne 9 innings mein 140 runs banaye hain, average 28 aur strike rate 142.85. Ismein teen baar wo single-digit score pe out hue hain.
Pichle match mein Punjab Kings ke khilaf, unhone 12 balls mein 27 runs banaye, 3 sixes aur 1 four ke saath. Lekin uske bawajood CSK match 18 runs se haar gaya.
Toh kya yeh MS Dhoni ka last IPL season hoga? Fans emotional hain, lekin Gilchrist jaise legends ke views iss debate ko aur fuel de rahe hain. Ab dekhna yeh hoga ki Dhoni khud kya decision lete hain.
