RR vs GT: Jaipur Mein Aakhri Umeed Ya Bas Formality?
Rajasthan Royals (RR) ki team iss season mein lagatar struggle karti aa rahi hai, aur ab wo apne homeground Sawai Mansingh Stadium, Jaipur mein Gujarat Titans (GT) ka saamna karegi 28 April ko. Sanju Samson ke bina captaincy aur on-field presence dono hi missing hai, jiska seedha asar team ke performance par dikh raha hai. Playoffs ki daud se to RR lagbhag bahar ho chuki hai, lekin ab unke paas mauka hai ki wo doosri teams ka game bigaad kar apni bench strength ko test karein.
GT Hai Full Form Mein, Playoffs Spot Hai Nazar Mein
GT ka season ab tak shaandar raha hai. Sai Sudharsan, Shubman Gill aur Jos Buttler jaise players ne consistent runs banaye hain. Sai Sudharsan to Orange Cap ke contender bhi ban chuke hain 417 runs ke saath. Bowling department mein bhi GT ke paas Prasidh Krishna (16 wickets), R Sai Kishore aur Mohammed Siraj (12 wickets each) jaise match-winners hain. Siraj powerplay mein dot balls daalne mein mahir rahe hain.
Toss Ka Khel: Pehle Bowl Karna Ban Raha Hai Smart Choice
Jaipur mein ab tak 2 matches hue hain. Dono baar chasing team ne ya to aasani se match jeeta ya phir close finish diya. Toh jo bhi captain toss jeetega, wo pehle bowling choose kar sakta hai.
RR Ki Key Players Ki Baat Karein To:
- Yashasvi Jaiswal – 356 runs, strike rate 148.95
- Riyan Parag, Dhruv Jurel, Nitish Rana – inconsistent performances
- Wanindu Hasaranga – 10 wickets se top bowler, lekin pacers ka performance patchy raha hai
GT Ka Record RR Ke Khilaf Hai Zabardast
Ab tak RR aur GT ke beech 7 baar muqabla ho chuka hai, jisme se 6 baar GT ne RR ko haraaya hai. Jaipur mein RR ab tak GT se nahi jeet paayi hai. Pichhle match mein to GT ne 58-run se RR ko dhool chata di thi.
Prediction: RR Ka Record Aur Form Dekhte Hue, GT Dikh Rahi Hai Heavyweight
Jaipur ki home support bhi RR ko uplift nahi kar paayi hai iss season. GT ki batting aur bowling dono departments balanced lag rahe hain. Agar RR ko upset karna hai to unhe apne core players se extraordinary performance chahiye hoga.
